Humdam Ke Liye Humdam Se Gay By Ameer Menai

Humdam ke liye humdam se gay, humdam ki qasam humdam na milla

Marham ke liye marham se gay, marham ki qasam marham na milla

By Ameer Menai

Kabhi Jo Chair Gaye Yaad-e-Raftgaa'n Mohsin By Mohsin Naqvi

Kabhi jo chair gaye yaad-e-raftgaa'n Mohsin

Bikher gaye hain nighahien kahan kahan Mohsin

Hawa ne raakh urdaye to dil ko yaad aya

Ke jal bhujien mere khawab ki bastiyan Mohsin

Kuch aisay ghar bhi mile jin mein ghongtoon ke aewaz

Hoi hain dafn dupatoon mein larkiyan Mohsin

Khandar hai ahd-e-ghasta, na cho na chair ise

Khulien to band na hoon iski khirkiyan Mohsin

Bhujha hai kon sitara ke apni ankh ke sath

Hoye hain saray manzir dhuwan dhuwan Mohsin

Nahi ke us ne ghanwaye hain maah-o-saal apne

Tamam umer katti yoon bhi raigaa'n Mohsin

Mila to aur bhi taqseem ker gaya mujh ko

Smaitna thien jise meri kirchiyan Mohsin

Kahien se us ne bhi torda hai, khud se rabt-e-wafa

Kahien se bhool gaya mein dastaa'n Mohsin

By Mohsin Naqvi

Sadaqat By Dr.Allama Muhammad Iqbal

Ho sadaqat ke liye jis dil mein marne ki tamanha

Pehle apne khaki mein jaan paida kere

By Dr.Allama Muhammad Iqbal

Phir Uske Bad Nighahoon Mein Bas Gaya Wo Shakhsh - Ik Shaire

Phir uske bad nighahoon mein bas gaya wo shakhsh

Agar-che hum ne use be-dilli se dekha tha

Mera Naam Badal Dena

Aik lafz mohabbat hai, use ker ke dekho tum

Barbad na ho jaoo, to mera naam badal dena

Aik lafz muqadar hai, us se lard ke dekho tum

Haar na jaoo to mera naam badal dena

Aik lafz wafa hai, jo duniya mein nahi milti

Kahien se agar mil jaye to, mera naam badal dena

Aik lafz ansoo hai, use dil mein chupa ker dekho tum

Ankhoon se na beh jaye to, mera naam badal dena

Aik lafz judai hai, use seh ker dekho tum

Toot ker na bikher jaoo to, mera naam badal dena

Safar-e-Ishq

"Safar-e-Ishq"

"Maa'n"

Meri ankhoon se.....

Mut pocho....

Karab ke sumandar ka

Bikherna hai kaisa

Bachpan mein jo sekhaya tha

Guriya ko sajana

Rait se gharwanday banana

Sabar ki char-deewari se

Ansoon se pyar ghondna

Maa'n sab janti ho tum

Meri ankhoon se....

Mut pochoo...

Pehli Nazar Ki Qaid By Mohsin Naqvi

Ik bar aur dekh ker azad ker de mujhe "Mohsin"

Ke mein aaj bhi teri pehli nazar ki qaid mein hoon

By Mohsin Naqvi

Apni Ankhoon Ko Tere Khawab Ka Laluch De Ker - Ik Share

Bari Mushkil Se Sulaya hai khud ko mein ne...!

Apni ankhoon ko tere khawab ka laluch de ker

Qoal Alf De Pooray By Baba Bulleh Shah

Bullehiya qoal alf de pooray

Jerday dil dee karan safye

By Baba Bulleh Shah

Kanwara - Funny Urdu Poetry

Dobte  ko  tinke  ka  sahara  chaye..........

Shadi ke liye bas, Ama'n ka Ishara Chaye

Hazar nuqs nikalti hai larki ke chehre mein

Koi in se pocho! kia sitara chaye .............

Char suitoon se baat nahi banay gi 

Sath mein ik khatara chaye...........

Buhat samjhaya ke larki hai yahi behter

Mujhe bhi to ghunahoon ka kufara chaye

Ama'n kehti hai, Lagaoo kia moul lagatay ho

Aur le jaoo agar larka humara chaye............

Her rate mein milte hain, kahiye kia lijye ga

Dulha, Shadi Shuda, Ya'n Kanwara Chaye?

Payment ker ke kal ko tum bhi keh sako gay

Ab to humien damad, humara sara chaye .....

Tum bhi sun lo larki walo! yeah dasta'n

Phir na kehna humien interview dobara chaye

Ab to rah-ghuzar mein aa ke per gaya hoon

Le chaloo jisko yeah bechara chaye............

Kion dekhaye larki waloon ko itni sharafat "Faisal"

Wo kehte hain ke humien larka thorda awara chaye

Meri Mohabbat Ka Naam Kia Hai By Mohsin Naqvi

Yeah Khoob-roo log jinki ankhien

Tumharay ujle badan per chispa'n

Tumharay naqsh-e-qadm ki khushboo mein

Sabt aisay

Bhanwar mein jaisay hina ke pattay

Mein sochta hoon

Ke itni ankhoon ke dairoon mein

Meri Akeeli

Udas ankhoon ki

Hasiyat kia hai?

Meri Wafa ka muqam kia hai?

Meri mohabbat ka naam kia hai?

By Mosin Naqvi

Yaaran Naal Hisab Nai Honde - Baba Bulleh Shah

Pathar zehan gulab nai honde

koray warq kitab nai honde

jay ker laye yaari bhulehaya

fir yaaran naal hisab nai honde

By Baba Bulleh Shah

Aaj Bhi Sham Udas Rahi By Mohsin Naqvi

Aaj bhi tapti dhoop ka sehra

Tere naram laboon ki shabnam

Saye se mehroom raha

Aaj bhi pathar hijer ka lamha, Sadiyoon se bekhawab rutoon ki

Ankhoon ka mehfoom raha

Aaj bhi apne wasal ka tara

Rakh urati shokh shafaq ki mazil se ma'doom raha

Aaj bhi shehar mein pagal dil ko

Teri deed ki Aas rahi

Mudat se ghum-sum tanhye, Aaj bhi mere pass rahi

Aaj bhi sham udas rahi

~!~ By Mohsin Naqvi ~!~

Suno - Urdu Nazam

Suno!

Ab kuch dinoon se haal aisa hai

Koi kitni bhi zilat de

Koi jitni raonut se humien ronday

Bura bilkul nahi lagta

Gilla koi nahi hota

Sakoo'n mehsoos hota

Dua lab se nikalti hai

Tumhien Hum Yaad Kerte Hain

Yeah hum tasleem kerte hain

Tumhien Fursat nahi milti

Humaray waste tumko

Koi sayat nahi milti

Humari soch ke mehwar

Kabhi ik pal to socho tum

Tumhien hum yaad kerte hain

Aur itna yaad kerte hain

Ke khud ko bhool jatay hain

Hawa...!

Hawa....!

Tum janti ho sab

Ke mein ne raat ke pichle pehar

chupke se sari dastaan tum ko sunaye thi

Tumhien to yaad hi ho ga

Tabhi...

Jab ashk meri baat ke raste mein hayal the

Tabhi...

Jab lafz mere durd ki shidat se ghayal the

Meri sochien

Jab uski chaap ke peechay gaien thien to

Hawa tum ne hi mera bheegta pallo sukhaya tha

Hawa tum sun rahi thien na ke jab us ne kaha tha

Muntazar rehna mein Aoon ga

Hawa... Tum to gawa ho ke tan se ab talak

in rastoon se

Meri ankhoon ke diye bhujnay nahi paye

Hawa tum to usi ke rastoon se ho ke aye ho

Hawa....!

Wo aa raha tha na?

Hawa....!

Aye Mere Dost - (Nazm)

Aye mere dost

Safar ka kaam hai katna

kat hi jaye ga

Waqt ka kaam hai ghuzrna

ghuzar hi jaye ga

magr rastoon per urti dhool

Mazi per pardnay na dena

apni yaad ke mehwar se

Mujhe nikalne na dena

Aye mere dost

Khwaboon ka dais

banana zaroor

magar haqeeqat ka sath

nibhana zaroor

Kal (anay wala) ke liye

Apna aaj barbad na kerna

Kisi ka dil torde ker

Apna ghar abad na kerna

Aye mere dost

Lakh badlay zamana taiwar

Tum kabhi na badlna

Aaj to mein tumharay sath hoon

Mujhe tum kal bhi yaad rakhna

apni yaad mein kahien

mera bhi makan rakhna

Apne ahad aefa kerna

Apne peeman yaad rakhna

Aye Larki Suno

Aye Larki suno,

Tumhari dilruba ankhien

Jab sharam se jhukti hain

Tumharay hontoon ki hidat se

Tumharay ghaal ki lali

Mujhe sab kuch batati hai

Tumhien kitni mohabbat hai

Tumhien kis ki zaroorat hai

Magar ik ihsaas hota hai

Rishte kitne bhi sache hoon, Jana hi muqadar hai

Ghardi bhar ki mulaqatien, samjho to ghaneemat hai

Mudtoon se Yahi Aalim

Mudtoon se yahi Aalim na tuwaqa na umeed

Dil pukaray hi chala jata hai janna janna

Hum bhi kia sada the, hum ne bhi samjh rakha tha

Ghum-e-dooran se juda hai ghum-e-Janna janna

Ab ke kuch aisi sajhi mehfal-e-yaaran janna

Ser ba rano hai koi ser be-gireeban janna

Her koi apni hi awaz se kanp uthta hai

Her koi apne hi saye se harasaan janna

Jisko dekho wohi zanjeer paa lagta hai

Shehar ka shehar huwa dakhal-e-zindaan janna

Hum ke roothi hoi rut ko bhi manna laitay the

Hum ne dekha hi na tha mousam-e-hijraan janna

Hosh aya to sabhi khawab the reeza reeza

Jaisay urte hoye awraaq parishaan janna

Ab yeah Sochoon to By Mohsin Naqvi

Ab yeah sochoon to bhanwar zahan mein par jatay hain

kaisay chehray hain jo milte hain bichar jatay hain

Kion tere durd ko dien tuhmat-e-weerani-e-dil?

Zalzaloon mein to bharay shehar ujar jatay hain

Mousam-e-durd mein ik dil ko bachaoon kaisay???

Taiz andhi mein to khaimay bhi ukhar jatay hain

Soch ka aaina dhundla ho to phir waqt ke sath

chand chehroon ke khad-o-khaal bigar jatay hain

Shidat-e-ghum mein bhi zinda hoon to hairat kaisi???

Kuch diye tund hawaoon se bhi larde jatay hain

Wo bhi kia log hain "Mohsin" jo wafa ki khatir

Khud Tarasheeda asooloon pe bhi urd jatay hain