Ghazal - Neendien Humari Chura Gaya Ik Shaksh

Kabhi Jo Chair Gaye Yaad-e-Raftgaa'n Mohsin By Mohsin Naqvi

Kabhi jo chair gaye yaad-e-raftgaa'n Mohsin

Bikher gaye hain nighahien kahan kahan Mohsin

Hawa ne raakh urdaye to dil ko yaad aya

Ke jal bhujien mere khawab ki bastiyan Mohsin

Kuch aisay ghar bhi mile jin mein ghongtoon ke aewaz

Hoi hain dafn dupatoon mein larkiyan Mohsin

Khandar hai ahd-e-ghasta, na cho na chair ise

Khulien to band na hoon iski khirkiyan Mohsin

Bhujha hai kon sitara ke apni ankh ke sath

Hoye hain saray manzir dhuwan dhuwan Mohsin

Nahi ke us ne ghanwaye hain maah-o-saal apne

Tamam umer katti yoon bhi raigaa'n Mohsin

Mila to aur bhi taqseem ker gaya mujh ko

Smaitna thien jise meri kirchiyan Mohsin

Kahien se us ne bhi torda hai, khud se rabt-e-wafa

Kahien se bhool gaya mein dastaa'n Mohsin

By Mohsin Naqvi

Kanwara - Funny Urdu Poetry

Dobte  ko  tinke  ka  sahara  chaye..........

Shadi ke liye bas, Ama'n ka Ishara Chaye

Hazar nuqs nikalti hai larki ke chehre mein

Koi in se pocho! kia sitara chaye .............

Char suitoon se baat nahi banay gi 

Sath mein ik khatara chaye...........

Buhat samjhaya ke larki hai yahi behter

Mujhe bhi to ghunahoon ka kufara chaye

Ama'n kehti hai, Lagaoo kia moul lagatay ho

Aur le jaoo agar larka humara chaye............

Her rate mein milte hain, kahiye kia lijye ga

Dulha, Shadi Shuda, Ya'n Kanwara Chaye?

Payment ker ke kal ko tum bhi keh sako gay

Ab to humien damad, humara sara chaye .....

Tum bhi sun lo larki walo! yeah dasta'n

Phir na kehna humien interview dobara chaye

Ab to rah-ghuzar mein aa ke per gaya hoon

Le chaloo jisko yeah bechara chaye............

Kion dekhaye larki waloon ko itni sharafat "Faisal"

Wo kehte hain ke humien larka thorda awara chaye

Na the Kuch To Khuda Tha By Mirza Ghalib

Na tha kuch to Khuda tha, Kuch na hota to Khuda hota

Daboya mujhko hone ne na hota mein to kia hota

Huwa jab gham se youn behis to ghum kia sir katnay ka

Na hota gar juda tan se to zanoon per dhara hota

Hoi mudat ke ghalib mar gaya per yaad ata hai

Wo her baat per kehna ke youn hota to kia hota

Mudtoon se Yahi Aalim

Mudtoon se yahi Aalim na tuwaqa na umeed

Dil pukaray hi chala jata hai janna janna

Hum bhi kia sada the, hum ne bhi samjh rakha tha

Ghum-e-dooran se juda hai ghum-e-Janna janna

Ab ke kuch aisi sajhi mehfal-e-yaaran janna

Ser ba rano hai koi ser be-gireeban janna

Her koi apni hi awaz se kanp uthta hai

Her koi apne hi saye se harasaan janna

Jisko dekho wohi zanjeer paa lagta hai

Shehar ka shehar huwa dakhal-e-zindaan janna

Hum ke roothi hoi rut ko bhi manna laitay the

Hum ne dekha hi na tha mousam-e-hijraan janna

Hosh aya to sabhi khawab the reeza reeza

Jaisay urte hoye awraaq parishaan janna

Ab yeah Sochoon to By Mohsin Naqvi

Ab yeah sochoon to bhanwar zahan mein par jatay hain

kaisay chehray hain jo milte hain bichar jatay hain

Kion tere durd ko dien tuhmat-e-weerani-e-dil?

Zalzaloon mein to bharay shehar ujar jatay hain

Mousam-e-durd mein ik dil ko bachaoon kaisay???

Taiz andhi mein to khaimay bhi ukhar jatay hain

Soch ka aaina dhundla ho to phir waqt ke sath

chand chehroon ke khad-o-khaal bigar jatay hain

Shidat-e-ghum mein bhi zinda hoon to hairat kaisi???

Kuch diye tund hawaoon se bhi larde jatay hain

Wo bhi kia log hain "Mohsin" jo wafa ki khatir

Khud Tarasheeda asooloon pe bhi urd jatay hain

Yeah Dil Yeah Pagal Dil Mera By Mohsin Naqvi

Yeah Dil Yeah Pagal Dil Mera kion bujh gaya awargi

Is dasht mein ik shehar tha wo kia huwa awargi

Kal shab mujhe Be-shakal see awaz ne chunka diya

Mein ne kaha tu kon hai us ne kaha awargi

ik tu ke sadiyoon se mere humrah bhi humnawaz bhi

Ik mein ke tere naam se na-Ashna Awargi

Yeah durd ki tanhayian yeah dasht ka weeran safar

Hum log to ukta gay apni suna awargi

Ik ajnabi jhonkay ne jab poocha mere ghum ka sabab

Sehra ki tapti rait per mein ne likha awargi

Le ab to dasht-e-shab ki sari wastien sonay lagien

Ab jagna ho ga humien kab tuk bata awargi

Kal raat tanha chand ko dekha tha mein ne Khawab mein

"Mohsin" Mujhe raas aye gi shayad sada awargi

Ab ke yoon Dil Ko Saza Dee Hum Ne

Ab ke yoon Dil Ko Saza Dee Hum Ne

Uski her baat bhula dee hum ne......

Aik Aik Phool buhat yaad aya

Shakh-e-Gul jab jalla dee hum ne

Aaj phir yaad buhat aye wo

Aaj phir uski Dua dee hum ne

Koi to baat us mein bhi hai "Ehsan"

Her Khushi Jis pe lutta dee hum ne

Mujh Se Mil Ker

Mujh se bicher ker tere chehray pe ujalay per jaien

sheher ke log humien dekh ker kallay per jaien

main rahoon chup to sabhi cheeck parien wahshat se

main sawalat keroon hontoon pe talay per jaien

main nahi hota to faroon banay phirtay hain

dekh ker mujh ko jinhien jaan ke lallay per jatay hain

Aag per hath dharien raakh uthien wapas

baraf per paoon rkhien paoon main chalay per jaien

durd ki leher koi bhej meri duniya main

is se pehlay ke meri rooh main jallay per jaien

hum jo uljhien to sada buch bachaoo ho jaye

darmyan donoon main kuch chanay walay per jaien

agar kabhi hans de to wo noor dahn se niklay

mand pal bhar main sabhi chand ke halay per jaien

Kidher Jaoon Ga

Tujh se bichra to kidher jaoon ga

main to bechaini se mar jaoon ga

main to aisay nahi janne wala

chand doobay ga to ghar jaoon ga

motioon se bhara bartan hoon main

toot jaoon ga, bikher jaoon ga

main to sehma huwa sanata hoon

apni awaz se dur jaoon ga

main agar koi samndar bhi hoon

ik tere durd se bhar jaoon ga

waqt ke ruth se main farhat abbas

kahien chup chaap uter jaoon ga