Haan Yeah Such Hai Ke Mujhe Tum Se Mohabbat Hai

Haan ! yeah such hai ke mujhe tum se mohabbat hai

Yeah bhi such hai ke mein tumhari chahat hoon

Per meri zindagi mein chahtoon ki kami to nahi

Rishte aur bhi hain sirf tum hi nahi

Apni zaat ke is pehloo se aaj milwaoon tumhien

Mein kia hoon, Kaisi hoon, Zara batlaoon tumhien

Mein apni maa'n ke tarbiyat mein dhala sancha hoon

Apne BABA ki umeedoon se pur ik khaka hoon

Apne bhai ki ghairat hoon janti hoon mein

Mujh se hi hai ghar ki izzat manti hoon mein

To behak jaoon mein yeah kabhi mumkin hi nahi!

Ke dil wo bhi rakhte hain

Sirf HUM TUM hi nahi!

Phir Uske Bad Nighahoon Mein Bas Gaya Wo Shakhsh - Ik Shaire

Phir uske bad nighahoon mein bas gaya wo shakhsh

Agar-che hum ne use be-dilli se dekha tha

Pehli Nazar Ki Qaid By Mohsin Naqvi

Ik bar aur dekh ker azad ker de mujhe "Mohsin"

Ke mein aaj bhi teri pehli nazar ki qaid mein hoon

By Mohsin Naqvi

Apni Ankhoon Ko Tere Khawab Ka Laluch De Ker - Ik Share

Bari Mushkil Se Sulaya hai khud ko mein ne...!

Apni ankhoon ko tere khawab ka laluch de ker

Meri Mohabbat Ka Naam Kia Hai By Mohsin Naqvi

Yeah Khoob-roo log jinki ankhien

Tumharay ujle badan per chispa'n

Tumharay naqsh-e-qadm ki khushboo mein

Sabt aisay

Bhanwar mein jaisay hina ke pattay

Mein sochta hoon

Ke itni ankhoon ke dairoon mein

Meri Akeeli

Udas ankhoon ki

Hasiyat kia hai?

Meri Wafa ka muqam kia hai?

Meri mohabbat ka naam kia hai?

By Mosin Naqvi

Aye Mere Dost - (Nazm)

Aye mere dost

Safar ka kaam hai katna

kat hi jaye ga

Waqt ka kaam hai ghuzrna

ghuzar hi jaye ga

magr rastoon per urti dhool

Mazi per pardnay na dena

apni yaad ke mehwar se

Mujhe nikalne na dena

Aye mere dost

Khwaboon ka dais

banana zaroor

magar haqeeqat ka sath

nibhana zaroor

Kal (anay wala) ke liye

Apna aaj barbad na kerna

Kisi ka dil torde ker

Apna ghar abad na kerna

Aye mere dost

Lakh badlay zamana taiwar

Tum kabhi na badlna

Aaj to mein tumharay sath hoon

Mujhe tum kal bhi yaad rakhna

apni yaad mein kahien

mera bhi makan rakhna

Apne ahad aefa kerna

Apne peeman yaad rakhna

Aye Larki Suno

Aye Larki suno,

Tumhari dilruba ankhien

Jab sharam se jhukti hain

Tumharay hontoon ki hidat se

Tumharay ghaal ki lali

Mujhe sab kuch batati hai

Tumhien kitni mohabbat hai

Tumhien kis ki zaroorat hai

Magar ik ihsaas hota hai

Rishte kitne bhi sache hoon, Jana hi muqadar hai

Ghardi bhar ki mulaqatien, samjho to ghaneemat hai

Kahien se tera sath le Aaoon

Kahien se tera sath le Aaoon

Wasl ki chand raat le aaoon

Beth jaoon kisi doorahay per

Mang ker tera hath le aaoon

Kitni sadiyoon ke baad bolo mein

Lab pe aik teri hi baat le aaoon

Apni aankhoon ki band ghalioon se

Aansoon ki barat le aaoon

Itni pooja keroon ke mein ik din

Apni zaat mein teri zaat le aaoon

Kon Kehta Hai Mohabbat Azeem Hai

Kon kehta hai mohabbat azeem hai??

yeah kis ne keh diya?

Ke Mohabbat azeem hai

Mohabbat to bas chand be-tarteeb lafzoon ki tarmeem hai

Mohabbat jab rag-o-pe mein utar jaye

Aur manand khanjar dil mein utar jaye

To laho mangti hai

Jab ankhoon ki dhool ban jaye

Aur rishtoon ki bhool ban jaye

To Abroo mangti hai

Mohabbat wo saheefa hai ke jise

gar samjh ke parde lo

To khushboo ki tarah

Zahan-o-dil ke dareechoon mein jhankay

aur jahan kisi lafz per ruk jaoo

To justju mangti hai

bahar ki shaguftgi cheen laiti hai jo

un khizaan rutoon ki tehreem hai

Aur masoom ankhoon ko jo milte hain

un Azzaab khwaboon ki taqseem hai

kis ne kaha ke???

Mohabbat bad-e-naseem hai

yeah to bas chand lafzoon ki tarmeem hai

Ghamoon ki tehreem hai

Kon kehta hai Mohabbat Azeem hai ...???

Ho Gayee Rukhsat Ghatta Barish Ke Baad

Ho Gayee Rukhsat Ghatta Barish Ke Baad
Ik Diya Jalta Raha Barish Ke Baad

Mairay Behtay Aansoon Ko Dekh Ker
Ro Pari Thandi Hawa Barish Ke Baad

Mairy Tanhaye Ka Daman Thaam Ker
Kuch Udassi Ne Kaha Barish Ke Baad

Yaad Teri Orh Ker Main So Gaya
Khawab Ka Der Khul Gaya Barish Ke Baad

Chand Dekh Ker Badloon Ki Qaid Main
Ik Sitara Ro Deya Barish Ke Baad

Apnay Kachay Ghar Ki Her deewar Per
Naam Tera Likh Deya Barish Ke Baad.

...::: Kuch Ashar :::...

Behter hai ise ghar ke kisi Taaq main rukh do

Tota huwa dil le ke kahan janne lagay ho?

Ashob-e-Nazar se bhi pharkti hai kabhi ankh

Tum yeah na samjhna use yaad anay lagay ho

________

Jo udass hain tere hijer main, jinhien bhoj lagti hai zindagi

ser-e-bazm unko dekh ker tera moun chupanay ka shukria

Jo zamanay bhar ka asool tha wo asool tu ne nibha diya

Yahi rasm tehray gi moutber mujhe bhool jannay ka shukria

________

Wo ik shakhsh ke jis se muhabbtien thien buhat

Hafa hoye to usi se shikiaytien thien buhat

Buhat Aziz thay apnay asool us ko bhi

Humien bhi apni Aana ki zarooratien thien buhat

_________

Hai yeah bhi such ke tere Samnay mujhe barsoon

Koi Rafeeq, Koi kaam bhi na yaad aya

Yeah jhoot bhi nahi hai tujhe jo kal dekha

To kitni dare tera naam bhi na yaad aya

________

Wo Aye bhi to ko0nsa Ehsan ker gay

bethay bethay hum ko parishaan ker gay

______

Apnay khilaf faisla khud hi likha hai aap ne

hath bhi mal rahay hain aap, aap buhat ajeeb hain

Daira war hi to hain ishq ke silsalay tamam

Rah badal rahay hain aap, aap buhat ajeeb hain

________

Meri zindagi ke raaz main ik raaz tum bhi ho

meri bandagi ki Aas main ik Aas tum bhi ho

Tum kia ho mere, kuch ho yan kuch bhi nahi magar

Meri zindagi ke kash main ik kash tum bhi ho

Ik Share

تمہیں میری محبت کی قسم, سچ سچ بتا دینا

گلے میں ڈال کر باہیں , منانا کس سے سیکھا ہے

...:::Main Ne Poocha Kaisay Ho:::...

Main Ne Poocha Kaisay Ho?

Badlay Ho Yan Waisay Ho?

Roop Wohi Andaz Wohi

Ya Phir Is Main Koi Kami?

Hijer Ka Kuch Ihsaas To Ho ga

Koi tumharay pass to ho ga?

Main bichra yeah majboori thi

Kab manzoor mujhe doori thi

Sath Hamara Kab choota

Rooh ka rishta kab toota

Ankh se jo Aansoo behte hain

Tum ko khabar hai kia kehte hain?

Main ne kaha awaz tumhari

Aaj bhi hai humraaz hamari

Phool Wafa ke khil jaien gay

Ik din hum phir mil jaien gay...

...:::Naye Dinoo Ke Naye Safar Main:::...

Naye Dino Ke Naye Safar Main Dheean Rakhna

Khamosh, Chup Chap

Kuch Na Kehti In Saytoo'n Ne

Sonp Dalay Naye Taqazay Rafaqtoo'n Ke

Dheean Rakhna

Ke Apne Hisay Ke Sab Taqazay Nibahne Hain

Sath Chalte Hoye Safar Main

Her Ik Dagar Pe Chahtoon Ke Ghulab Likhna

Warq Warq Aetmad Jis Main

Harf Harf Main Ho Jaannisari

Nayi Khushian, Naye Munazir

Nayi Misalien, Naye Hawalay

Bas aik aisi hi muhabtoon ki kitab likhna

naye dinoo ke naye safar main...

...::: Tum Kon Piya (Urdu Poetry) :::...

Tumhara Khat Mila Janaan By Wasi Shah

Wo Ik Shaksh Janti Ho Tum By Ahmed Hassan

Mohabbat Akhrish Kia Hai By Wasi Shah

...::: Koi Shararat Kerte :::...

Tum Pass Hote to koi shararat kerte

Tujhe le ker bahoon main muhabbat kerte

Dekhtay teri ankhoon main neend ka khumar

Apni khoi hoi neendoon ki shikayat kerte

Teri ankhoon main apna aks dhoondte

Khud se bhi zaida teri chahat kerte

Ik dil hi tha wo bhi uske pass hi tha

Raat bhar jhag ker kis ki hifazat kerte

...::: Yeah Dil By Ahmed Fraz :::...